Ish-eurodeputetja gjermane Doris Pack, rrëzimin e Qeverisë Kurti e sheh si lojë perfide të presidentit të Republikës së Kosovës, Hashim Thaçi dhe  ish-ambasadorit të Amerikës në Gjermani, tani i dërguari  posaçëm i SHBA-ve për bisedime Kosovë-Serbi,  Richard Grenell.

Ajo, thotë se udhëheqësit e Lidhjes Demokratike të Kosovës (LDK) iu bashkuan lojës së Thaçit dhe Grenellit.

“Në mes të krizës së koronavirusit, Kosova bie në kaos. Se udhëheqësit e LDK-së i bashkohen lojës perfide të Thaçit e Grenellit, është e pafalshme”, ka shkruar Pack në Twitter.

mitten in der Coronakrise stürzt #Kosovo ins Chaos. Dass führende LDK politiker das perfide Spiel von Taci und Grenell mitspielten, ist unverzeihlich.

— Doris Pack (@pack_doris) March 26, 2020

Po ashtu Pack një ditë më parë kishte lavdëruar  nënkryetaren e LDK-së Vjosa Osmani, të cilën e kishte quajtur një politikanë të përgjegjshme.

“Dëshira e Osmanit është në interes të Kosovës; ajo vepron si një politikane e përgjegjshme. Ndiej respekt të thellë”, kishte shkrua Pack.

#Osmanis wish is in the interest of Kosovo;she acts as a responsible politician. I feel deep respect.

— Doris Pack (@pack_doris) March 24, 2020

Para pak ditësh, po ashtu përmes Tëitter, ish- eurodeputetja gjermane tha se gjithë kjo çfarë po ndodh në Kosovë është lojë e presidentit amerikan Donald Trump dhe ish-ambasadorit të Amerikës në Gjermani, Richard Grenell.

“Unë pres që ata që janë në krye të LDK-së t’i rezistojnë kësaj loje egoiste nga Richard Grenell dhe Donald Trump. Ata nuk interesohen për pasojat e Evropës Juglindore dhe Bashkimit Evropian, ata janë të shqetësuar vetëm për zgjedhjet e rrezikuara të Trumpit. Unë pres që LDK-ja të kujdeset për Kosovën. Rugova do të vepronte ndryshe”, ishte shprehur Pack.

Ndryshe gjatë ditës së djeshme u mbajt seanca e mocionit për rrëzimin e qeverisë, të iniciuar nga vetë partneri i koalicionit qeverisës me Vetëvendosjen, LDK.

Krej kjo, nisi pas shkarkimit të ministrit të Punëve të Brendshme, Agim Veliu, që vinte nga radhët e LDK-së.

Më  me 82 për, 32 kundër dhe 1 abstenim, u rrëzuar Qeveria e Kosovës në krye me Albin Kurti.

Menjëherë pas kësaj, Kurti shkarkoi zëvendëskryeministrin e parë që vinte nga radhët e LDK-së, Avdullah Hoti./arbresh.info